"Барселона" ҳужумчиси Ансу Фати қишки трансферлар ойнасида Европанинг кўплаб нуфузли клубларидан таклиф олди.
"Кўк-анорранглилар" бош мураббийи Ханс-Дитер Флик 22 ёшли футболчига ишонч билдирмаслигини яширмади, аммо у барибир қолишга қарор қилди ва энди бундан афсусда. Испаниялик футболчи уч ойдан ортиқ вақтдан буён майдонга тушмаяпти, шунингдек, юзага келган вазият туфайли руҳий қийинчиликларни бошдан кечира бошлади. Mundo Deportivo хабарига кўра, ўтган қишда форвардга Дортмунднинг "Боруссия," "Бешиктош," "Порту" ва "Аякс" клублари қизиқиш билдирган эди. Уларнинг ҳеч бири футболчини "Барселона"дан кетишга кўндира олмади.
Ансу Фатининг ҳозирги трансфер нархи Transfermarkt портали томонидан 5 млн еврога баҳоланмоқда - бу унинг фаолиятини бошлаган пайтдагидан 16 баравар кам.
