"Барселона" ёки "ПСЖ" бу мавсумда квадрупл қилиши мумкин.
Иккала жамоа ҳам Чемпионлар Лигаси ярим финалига чиқди ва мавсумда камида тўртта турнирда ғалаба қозониш имкониятини сақлаб қолди.
"Барселона" аллақачон Испания Суперкубогини қўлга киритган. Каталонияликлар Ла Лигада пешқадамлик қилмоқда ва мамлакат кубоги финалига йўл олди, у ерда "Реал" билан ўйнайди.
"ПСЖ" мавсумда иккита совринни қўлга киритди: Луис Энрике жамоаси Франция чемпиони бўлди ва мамлакат Суперкубогини қўлга киритди. Шунингдек, парижликлар Франция кубоги финалида "Реймс" билан ўйнайди.
Эслатиб ўтамиз, "ПСЖ" клублар ўртасидаги жаҳон чемпионатида иштирок этиши туфайли мавсумда бешта соврин ютиш имкониятига эга.
