Дортмунднинг “Боруссия” клуби собиқ футболчиси Владимир Бут “бамбллар”нинг Чемпионлар лигасидан чиқиб кетиши ҳақида гапирди. Чорак финал босқичида немис клуби “Барселона”га икки ўйин натижасига кўра умумий 3:5 ҳисобида мағлуб бўлди (биринчи ўйин 0:4, иккинчиси 3:1).

"Биринчи ўйинда бундай нарсаларни тартибга солиб, 0:4 ҳисобида мағлуб бўлмаслигимиз керак эди. Ундан кейин жуда қийин, айниқса "Барселона"га қарши ўйин. "Боруссия" бу мавсумда энг яхши дамларни бошдан кечирмаяпти ва Бундеслига турнир жадвалида ўртада. Мавсум омадсиз ўтди, Терзич четлатилмаслиги керак эди.

"Барселона" айни дамда жуда яхши формада, жуда ёш футболчилар билан Испания чемпионатида пешқадамлик қилмоқда. Жавоб ўйинида улар эрта гол уришди, кейин эса 3:1 ҳисоби қайд этилди. Аммо вақт оз қолди ва яна ғалаба қозониш жуда қийин эди. Агар фарқ кичикроқ бўлганда эди... Бироқ, Дортмунд ҳақиқатан ҳам имконсиз ишни амалга ошириши мумкин эди", деди футболчи.