"Болонья" ўз майдонида Италия кубоги 1/2 финал жавоб баҳсида "Эмполи"ни мағлуб этди - 2:1.
Мезбонлар сафида Жованни Фаббьян ва Тейс Даллинга ўз номини таблога ёздириб қўйди. Меҳмонларнинг ягона голи Виктор Коваленко ҳисобига ёзилди.
"Болонья" икки ўйин натижасига кўра (5:1) Италия кубоги финалига чиқди ва "Милан"га қарши баҳс олиб боради. Ҳал қилувчи ўйин 14 май куни бўлиб ўтади.
"Қизил-кўклар" 33 турда 60 очко тўплаган ҳолда А Серияда тўртинчи ўринда бормоқда. Миланликлар 51 очко билан 9-ўринни эгаллаб турибди.
