Симоне Индзаги Ламин Ямал ва "Барселона"нинг ёш футболчиларини мақтади.
Бугун "Интер" Чемпионлар лигасининг биринчи ярим финалида "Барселона"га қарши ўйнайди. Ўйин Тошкент вақти билан 23:59да бошланади.
"Биз "Барселона"ни қадрлашимиз керак. Уларда катта истеъдодлар ўсиб бормоқда, менимча, Ламин Ямал ноёб. У бутун жамоада ишлаган ҳолда ажойиб ўйнашга эришади. Албатта, унга алоҳида эътибор берилади, аммо "Барселона"да фақат у бўлмайди.
– Умуман, ушбу “Барселона”нинг ёш футболчилари ҳақида қандай фикрдасиз?
- Бу аста-секин шаклланган ажойиб жамоа. Биз улар билан икки йил олдин гуруҳ босқичида ўйнагандик ва яхши эдик, лекин ўшанда ҳам улар ажойиб жамоа эканлиги аён эди. Ламин Ямал у ерда йўқ эди, лекин бошқалар аллақачон ўйнашганди.
Уларда ажойиб ўйин ўйнаш учун техник маҳорат ва ҳамма нарса бор. 2022 йилда уларда ажойиб мураббий бўлган Хави бор эди, энди эса Флик уларни яхши бошқармоқда, у ўз фаолиятида доим шундай қилган", - деди "Интер" бош мураббийи.
