"Манчестер Сити" дарвозабони Эдерсон Мораэс Туркиянинг "Галатасарой" клубига ўтишга яқин турибди.
Журналист Альфредо Педулланинг ёзишича, бугун "Галатасарой" ва "Манчестер Сити" ўртасида Эдерсон трансфери бўйича музокараларнинг муҳим куни. Манбага кўра, турк клуби аввалги 7-8 млн евролик таклиф ва бонуслар "шаҳарликлар"ни қониқтирмаганидан кейин ўз таклифини оширмоқчи. Таъкидланишича, "Галатасарой" дарвозабоннинг ўзи билан аллақачон келишувга эришган.
Эдерсон "Манчестер Сити"да 2017 йилдан буён тўп тепиб келмоқда. Ўтган мавсумда 31 ёшли бразилиялик барча мусобақаларда 40 та ўйинда майдонга тушиб, 54 та гол ўтказиб юборган ва 13 марта ўз дарвозаси дахлсизлигини сақлаб қолган.
