"Манчестер Сити"нинг бразилиялик дарвозабони Эдерсон Мораэс жамоада қолиши мумкин. Журналист Жек Гоган шундай маълумот билан бўлишди.
Юқоридаги манбага кўра, "шаҳарликлар" тажрибали посбонни таркибда сақлаб қолмоқчи. Клубдаги манбаларнинг маълум қилишича, Эдерсоннинг эҳтимолий трансфери бўйича ҳеч бир жамоа "Манчестер Сити" билан боғланмаган.
Қайд этилишича, агар Эдерсон барибир "шаҳарликлар" қароргоҳини тарк этса, инглизлар эътиборини "ПСЖ"дан Жанлуижи Доннаруммани сотиб олишга қаратади.
Аввалроқ, Туркиянинг "Галатасарой" клуби бразилиялик футболчининг трансфери бўйича "Манчестер Сити"га янги таклиф билан чиқмоқчи экани хабар қилинганди.













