Аргентина терма жамоаси ва "Интер Майами" ҳужумчиси Лионель Месси ЖЧ-2026 Жанубий Америка саралаш босқичи тўпурарлар пойгасида биринчи бўлди.
38 ёшли футболчи сўнгги турда Эквадорга қарши ўйинни (0:1) ўтказиб юборди, аммо тўпурарлар рўйхатида пешқадамликни сақлаб қолди. Саккиз карра "Олтин тўп" соҳиби ҳисобида саккизта тўп бор, улардан иккитаси Венесуэлага қарши ўйинда (3:0) киритилган.
Иккинчи ўринни Мигелито (Боливия) ва Луис Диас (Колумбия) - 7 тадан гол билан, учинчи ўринни Эннер Валенсия (Эквадор) ва Саломон Рондон (Венесуэла) - 6 тадан гол билан бўлишиб олди.
