Германия терма жамоасининг собиқ футболчиси Лотар Маттеус "Бавария" Майкл Олисе билан шартномани узайтириши мумкинлиги ҳақидаги хабарга муносабат билдирди.
Олисе клубга 2024 йилнинг ёзида беш йиллик шартнома асосида келиб қўшилганди.
"Унда буюк футболчига керак бўлган ҳамма нарса бор. Унинг учун ҳеч қандай тўсиқ кўрмаяпман. Усмон Дембеле мисолида кўриш мумкинки, қанот футболчиси дунёнинг энг яхши футболчисига айланиши мумкин. Бу ҳар доим жамоанинг муваффақиятига боғлиқ, айниқса Чемпионлар Лигасида - лекин ҳа, мен Олисенинг қўлидан келишига ишонаман," - дея Маттеуснинг сўзларини келтиради Bild.
"Бавария" яқин орада Олисе билан янги яхшиланган шартларда шартнома имзолашни истамоқда.
