"Интер Майами" бу мавсумда МЛС плей-офф босқичига йўл олди.
Хавьер Маскерано бошчилигидаги жамоа мунтазам чемпионат доирасида "Нью-Йорк Сити" (4:0) устидан қозонилган ғалабадан сўнг плей-офф иштирокчисига айланди.
Флорида клуби ғалабали сериясини учта ўйинга етказди. Аввалроқ жамоа "Сиэтл Саундерс" (3:1) ва "Ди Си Юнайтед"ни (3:2) мағлуб этганди.
"Интер Майами" 29 ўйинда 55 очко тўплаган ҳолда Шарқий конференция турнир жадвалида 3-ўринни эгаллаб турибди.
Иккинчи ўринда "Цинциннати" (58 очко, 31 ўйин), биринчи ўринда "Филадельфия Юнион" (60 очко, 31 ўйин) бормоқда.
