Франция терма жамоаси бош мураббийи Дидье Дешам ЖЧ - 2026 саралаши доирасида Озарбайжонга қарши бўлиб ўтадиган ўйинга изоҳ берди.
"Биз барча рақибларни ҳурмат қиламиз. Озарбайжон терма жамоасида ҳам миллий иштиёқ бор, айниқса, охирги натижадан кейин йўқотадиган нарсаси йўқ. Бизнинг вазифамиз - уларга хавфли вазиятларни яратишга йўл қўймаслик. Футболчиларга бу ҳар доим ҳам осон кечмайди, лекин улар рақибни паст баҳоламасликларини биламан. Олти очко жамғарганимиз жаҳон чемпионатига чиқиш дегани эмас", - деди Дешам матбуот анжуманида.
ЖЧ-2026 саралашининг ўтган турида Озарбайжон терма жамоаси Украина билан дуранг ўйнаган бўлса (1:1), Франция терма жамоаси Исландияни мағлуб этганди (2:1).
