"Манчестер Сити" таянч ярим ҳимоячиси Кэлвин Филлипс бошқа инглиз клубига ўтиши мумкин. Football Insider нашрининг хабар беришича, футболчининг трансферига "Эвертон" клуби қизиқиш билдирмоқда.
Манбага кўра, 29 ёшли футболчининг трансфери қишки трансферлар даврида расмийлаштирилиши мумкин. "Ирислар" Кэлвинни ижарага олишга тайёр. "Шаҳарликлар" Филлипсни қўйиб юборишга рози, чунки у жамоа мураббийлар штабининг режаларига кирмайди.
Ярим ҳимоячининг "Манчестер Сити" билан амалдаги шартномаси 2028 йилнинг ёзида якунига этади. Transfermarkt портали экспертлари футболчининг бозор нархини 12 миллион еврога баҳоламоқда.
