"Манчестер Сити" бош мураббийи Хосеп Гвардиола жамоа кубок турнирларида қуйи дивизион вакили билан ўйнаса, босим ўзгарадими, деган саволга жавоб берди.
"Бу мен учун биринчи марта эмас. Мен бу ерда ўн мавсумни ўтказдим ва Лига кубоги ва Англия кубогида кўп ўйнадим. Биз ҳар доим қуйи дивизион жамоаларини жиддий қабул қилганмиз - акс ҳолда бизда аввалгидек кубокдаги муваффақиятлар бўлмасди. Биз бундай ўйинларга ҳам худди шундай тайёргарлик кўрамиз - ақлбовар қилмас концентрация билан, баъзида эса ундан ҳам кўпроқ", - деди Гвардиола журналистларга.
29 октябрь, чоршанба куни "Манчестер Сити" Лига кубоги доирасида "Суонси"га қарши баҳс олиб боради. "Оққушлар" Чемпионшип шарафини ҳимоя қилади.
