ОАВда "Ливерпуль" ярим ҳимоячиси Флориан Вирц Мадриднинг "Реал" клубига ўтиши мумкинлиги ҳақидаги миш-мишлар тобора кўпайиб бормоқда.
"Қизиллар" германияликни "Байер"дан 125 млн еврога харид қилган, бироқ футболчи ўз ўйини билан сарфланган маблағни оқлай олмаяпти. Defensa Central хабарига кўра, агар Арне Слот Вирцга йўл топа олмаса, келаси ёзда "Реал" футболчини арзонроқ нархда қўлга киритишга ҳаракат қилади. Шу билан бирга, манбанинг таъкидлашича, "қаймоқранглилар" Хаби Алонсога жуда яхши таниш бўлган ҳужумкор ярим ҳимоячи учун 75 миллион евродан ортиқ тўлашга тайёр эмас.
Transfermarkt экспертлари Флориан Вирцнинг нархини анча юқори - 130 млн еврога баҳоламоқда. Мерсисайдликлар сафида 16 та ўйинда 22 ёшли футболчи 3 та голли узатмани амалга оширди ва ҳозирча гол ургани йўқ.
