Мадриднинг "Реал" клуби марказий ҳимоячиси Дин Хёйсен Испания терма жамоасининг Туркияга қарши ўйинини ўтказиб юборади.
20 ёшли футболчи машғулотларда мушакларидан жароҳат олгани сабабли Грузияга қарши ўтган учрашувда майдонга тушмаган эди. COPE хабарига кўра, Хёйсен саралаш босқичининг сўнгги тур ўйинига тайёргарлик кўрмайди - у "қизил фурия" қароргоҳини муддатидан олдин тарк этади.
Футболчи келаси якшанба, 23 ноябрь куни бўлиб ўтадиган "Реал"нинг "Эльче"га қарши навбатдаги баҳсида иштирок эта оладими ёки йўқми, ҳозирча номаълум.
Испания ва Туркия терма жамоалари ўртасидаги ўйин 18 ноябрь куни бўлиб ўтади.
