"Арсенал" бош мураббийи Микель Артета марказий ҳимоячи Кристиан Москеранинг жароҳати ҳақида гапирди.
21 ёшли испаниялик футболчи чоршанба куни "Брентфорд"га қарши кечган ва 2:0 ҳисобидаги ғалаба билан якунланган ўйиннинг 44-дақиқасида захирага олинди.
"Аввалига Габриэл ва Салибани йўқотдик, энди эса Москерни ҳам жароҳат олди. Кутиш керак. Эҳтимол, тиззаси ёки тўпиғига нимадир бўлгандир. Биз ҳали ҳаммаси қанчалик жиддий эканлигини билмаймиз. У нима бўлганини аниқ айта олмади, аммо уни алмаштириш керак эди", - деди Артета ўйиндан кейин журналистлар билан суҳбатда.
"Арсенал" шанба куни "Астон Вилла" меҳмони бўлади.
