«Барселона» вингери Ламин Ямал 2025 йилда Европанинг бешта етакчи лигасида энг кўп муваффақиятли алдаб ўтишни амалга оширган футболчига айланди. Бу ҳақда Squawka X ижтимоий тармоғида хабар берди. Маълумотларга кўра, 18 ёшли футболчи 188 та муваффақиятли алдаб ўтишни амалга оширган.

Иккинчи ўринни «Манчестер Сити» ҳужумчиси Жереми Доку (111) эгаллаган бўлса, учинчи поғонадан «Тоттенхэм Хотспур» вингери Муҳаммад Кудус (98) жой олган. Тўртинчи ўринда «Реал» ҳужумчиси Килиан Мбаппе (96), бешинчи ўринда эса «Реал»нинг қанот ҳужумчиси Винисиус Жуниор (86) қайд этилган.

Олтинчи ўринни «Райо Вальекано» ҳимоячиси Андрей Рациу (77) эгаллаган. Еттинчи поғонада «Брайтон» вингери Янкуба Минте (75) жой олган. Саккизинчи ўринда «Комо» ярим ҳимоячиси Нико Пас (72), тўққизинчи ўринда «Бавария» вингери Майкл Олисе (70) туради. Топ-10ликни «Атлетик Бильбао» ярим ҳимоячиси Нико Уильямс (68) якунлаб берган.

1. Ламин Ямал («Барселона») — 188
2. Жереми Доку («Манчестер Сити») — 111
3. Муҳаммад Кудус («Тоттенхэм Хотспур») — 98
4. Килиан Мбаппе («Реал») — 96
5. Винисиус Жуниор («Реал») — 86
6. Андрей Рациу («Райо Вальекано») — 77
7. Янкуба Минте («Брайтон») — 75
8. Нико Пас («Комо») — 72
9. Майкл Олисе («Бавария») — 70
10. Нико Уильямс («Атлетик Бильбао») — 68