"Челси" бош мураббийи вазифасини бажарувчи Калум Макфарлен жамоани Премьер-лига доирасидаги "Манчестер Сити"га қарши сафар ўйинига тайёрламоқда.

Учрашув якшанба куни бўлиб ўтади. Журналист Киран Жиллнинг маълум қилишича, 40 ёшли мутахассис Хосеп Гвардиолани ҳайратда қолдириш ва кутилмаганлик эффекти орқали "шаҳарликлар"га муаммо туғдириш мақсадида баъзи тактик ўзгаришларни амалга оширишни режалаштирмоқда. "Кўклар"нинг вақтинчалик мураббийлар штаби энг яхши режа тузиш учун "Манчестер Сити" ўйинини узоқ вақт ўрганиб чиқди.

Эҳтимол, бўлажак ўйин Макфарлен учун "аристократлар" асосий жамоаси бошқарувидаги сўнггиси бўлади. Клуб яқин кунларда "Страсбург"дан Лиам Росеньорнинг тайинланганини эълон қилиши кутилмоқда.