Мадриднинг "Реал" клуби ярим ҳимоячиси Арда Гюлер Испания Суперкубоги финалида "Барселона"га қарши ўйиндан сўнг (2:3) ҳиссиётларини жиловлай олмади.
20 ёшли футболчи учрашувнинг 68-дақиқасида Федерико Вальверде ўрнига захирадан майдонга тушди, 73-дақиқада эса "қаймоқранглилар" учинчи голни ўтказиб юборишди ва бу "кўк-анорранглилар"нинг ғалабасига сабаб бўлди.
Финал ҳуштаги чалиниши биланоқ, "Барса" футболчилари байрамни нишонлаш учун югуриб кетишаётганда, Гюлер ғазабдан ён чизиқдан бир неча метр нарида турган сув идишини тепиб юборди, аммо кейин мувозанатни сақлай олмади ва сирпаниб кетди. Эпизод камераларга тушиб қолди.
"Реал" ўтган мавсумдан буён кетма-кет учинчи финалда "Барселона"га ютқазди.
