Мадриднинг "Реал" клуби бош мураббийи Альваро Арбелоа маълум шартлар асосида жамоа билан ишлашда давом этиши мумкин.
Испаниялик мураббий Суперкубок финалида "Барселона"дан учралган мағлубиятдан (2:3) кейин истеъфога чиқарилган Хаби Алонсо ўрнини эгаллади.
Машҳур собиқ ҳимоячи ёзгача тайинланган, бироқ у узоқроқ қолиши мумкин: инсайдер Фабрицио Романонинг маълум қилишича, "Реал" босслари Арбелоага агар у жорий мавсумда совринлар ютиб, футболчилар билан муносабатларни йўлга қўйса, кейинги мавсумда ҳам жамоани бошқаришда давом этишини айтган.
Агар мутахассис қўйилган вазифаларни уддалай олмаса, ёзда клуб янги мураббий қидиради.
