“Арсенал” ўз майдонида Англия лига кубоги ярим финал жавоб учрашувида “Челси”ни 1:0 ҳисобида мағлуб этди.
Ўйиннинг 90+7-дақиқасида “Челси”нинг собиқ ярим ҳимоячиси Кай Хаверц томонидан урилган ягона гол баҳс тақдирини ҳал қилди.
Дастлабки учрашув ҳам “Арсенал”нинг сафардаги ғалабаси (3:2) билан якунланган эди. Шу тариқа, Микель Артета шогирдлари турнирнинг финал йўлланмасини қўлга киритишди.
Иккинчи финалист номи “Манчестер Сити” ва “Ньюкасл” қарама-қаршилигида аниқланади. Илк ўйинда “шаҳарликлар” 2:0 ҳисобида зафар қучишган. Жавоб учрашуви бугун, 4 февраль, чоршанба куни бўлиб ўтади.
Арсенал - Челси - 1:0
Гол: Хаверц, 90+7 (1:0)
Арсенал: Аррисабалага, Салиба, Габриэл Магальяйнс, Инкапье, Тимбер, Субименди, Райс, Эзе, Мартинелли, Мадуэке (Троссар, 69), Дьекереш (Хаверц, 69)
Челси: Санчес, Чалоба, Хато (Палмер, 60), Фофана, Фернандес, Сантос (Гарначо, 75), Кайседо, Кукурелья, Гюсто (Ачимпонг, 87), Делап (Эстеван, 60), Жоао Педро
Огоҳлантиришлар: Делап, 56. Гюсто, 68. Эстеван, 71
