Мадриднинг "Реал" клуби бош мураббийи Альваро Арбелоа кийиниш хонасида аллақачон босим остида. Бу ҳақда El Larguero хабар бермоқда.
Манбага кўра, баъзи футболчилар Арбелони ҳеч қандай ижобий ўзгариш бўлмайдиган вақтинчалик мураббий деб ҳисобламоқда. Қайд этилишича, жамоа Чемпионлар лигаси доирасидаги "Бенфика"га (2:4) қарши ўйинда Дани Себальос майдонга тушмаганидан ҳайрон бўлган. Миш-мишларга ишонадиган бўлсак, "Райо Вальекано"га (2:1) қарши ўйин олдидан матбуот анжумани футболчилар билан кўплаб келишмовчиликлар туфайли қолдирилган эди.
Арбелоа "Реал"ни шу йилнинг январида қабул қилиб, Хаби Алонсонинг ўрнини эгаллаганди. 22-турдан сўнг "қаймоқранглилар" 54 очко билан Ла Лига турнир жадвалида 2-ўринни эгаллаб турибди.
