«Интер» бош мураббий Кристиан Кивуни ўз лавозимида сақлаб қолмоқчи. Бу ҳақда «Corriere dello Sport» нашри хабар бермоқда.
Манбанинг маълумотларига кўра, Милан клуби руминиялик мутахассисга иш ҳақи оширилган ҳолда янги шартнома таклиф қилиш имкониятини кўриб чиқмоқда. Унинг амалдаги келишуви 2027 йилнинг ёзига қадар мўлжалланган.
Ҳозирда Кивунинг маоши йилига 2,5 миллион еврони ташкил этади. Янги келишув 2028 йилнинг ёзига қадар амал қилиши кўзда тутилган.













