Чоршанба, 11 февраль куни «Лацио» Италия Кубоги 1/4 финалида «Болонья»ни пенальтилар сериясида (1:1, пен. — 4:1) мағлуб этди. Шу тариқа, турнирнинг барча ярим финалчилари номи маълум бўлди.
Ярим финалда «Лацио» «Ювентус»ни мусобақадан чиқариб юборган «Аталанта» билан тўқнаш келади. Иккинчи жуфтликда эса «Интер» ва «Комо» жамоалари ўзаро баҳс олиб боришади. Эслатиб ўтамиз, ушбу жамоалар чорак финалда мос равишда «Торино» ва «Наполи» тўсиғидан ўтишган эди.
Дастлабки учрашувлар 4 март куни, жавоб баҳслари эса 22 апрелга белгиланган. Ўйинларнинг аниқ бошланиш вақти трансляция ҳуқуқига эга бўлган компаниялар билан келишилган ҳолда кейинроқ эълон қилинади.
