"Фенербаҳче" Туркия чемпионатининг 22-тури доирасидаги сафар ўйинида "Трабзонспор"ни 3:2 ҳисобида мағлуб этди.
Меҳмонлар сафида Талиска (15-дақиқа), Керем Актюркоглу (34-дақиқа) ва Марко Асенсио (48-дақиқа) биттадан гол уришди. Шунингдек, Актюркоглу ва Асенсио биттадан голли узатмани ҳам амалга оширишди.
Мезбонлардан Эрнест Мучи (6-дақиқа) ва Пол Онуачу (43-дақиқа) ўз номини таблога ёздириб қўйди.
"Фенербаҳче" (52 очко) Туркия Суперлигасида иккинчи ўринда қолмоқда ва пешқадам "Галатасарой"дан уч очко ортда қолмоқда.
"Трабзонспор" 45 очко билан турнир жадвалида учинчи ўринда бормоқда.
