Машҳур инсайдер Фабрицио Романо "Реал"нинг Юрген Клоппни клуб бош мураббийи лавозимига таклиф қилиш борасидаги қизиқиши ҳақидаги тафсилотларни очиқлади.

Романо ўзининг YouTube-каналида айтишича, ҳозирда немис мутахассиси Red Bull лойиҳаси билан банд ва бутун эътиборини шу ишга қаратган.

"Реал"га келсак, аввал Альваро Арбелоа ишини баҳолаш керак бўлади. Романо фикрича, у ўз вазифасини аъло даражада бажармоқда ва Испания чемпионати ҳамда Чемпионлар лигаси плей-офф босқичининг "Бенфика"га қарши илк ўйинида муносиб натижалар кўрсатган.

Шунингдек, "Реал" раҳбариятида Клоппни жуда қадрлайдиган инсонлар бор, аммо ҳозирча немис мутахассиси билан музокаралар ёки расмий таклифлар ҳақида бошқа аниқ маълумот йўқ.