"Реал Мадрид" жамоаси ярим ҳимоячиси Орельен Тчуамени жиддий жароҳатдан қутулиб қолди. 26 ёшли футболчи сешанба куни Чемпионлар лигасида Бенфикага қарши ўйинни оғриқ ҳисси билан тугатган эди, аммо хавотирлар тасдиқланмади.
Журналист Рубен Мартин маълумотига кўра, ўтказилган текширувлар француз ярим ҳимоячисининг соғлиғида жиддий муаммоларни аниқламади. Гап оддий ноқулайлик ҳақида кетмоқда.
Шанба, 21 февраль куни Альваро Арбелоа жамоаси Ла Лига доирасида сафарда "Осасуна"га қарши ўйнайди, 25 февраль куни эса Мадридда "Бенфика"га қарши жавоб учрашуви бўлиб ўтади.
Орельен Тчуамени жорий мавсумда 33 та ўйинда қатнашиб, битта голли узатма муаллифи бўлган.
