«Бенфика»нинг ҳужумкор ярим ҳимоячиси Жанлука Престианни бир ўйинга дисквалификация қилинган бўлишига қарамай, «Реал»га қарши Чемпионлар лигаси учрашувига чиндан ҳам учиб кетмоқда.
Маълумки, жамоалар ўртасидаги илк баҳсда Винисиус Престианнини ирқчиликда айблаган эди. УЕФА суриштирув ишларини давом эттирмоқда, бироқ дастлабки хулосаларга кўра камситиш факти тасдиқланган ва футболчи вақтинчалик четлатилган. Шунга қарамай, «Бенфика» кеча мазкур қарор юзасидан апелляция бериш ниятида эканлигини маълум қилди.
Сешанба куни Престианни Мадридга учиш олдидан аэропортда кўриниш берди. Эҳтимол, «Бенфика» аргентиналик футболчининг барибир майдонга тушишига умид қилмоқда.
«Реал» чоршанба куни, 25 февраль куни «Бенфика»ни қабул қилади.
