Ярим ҳимоячи Мойсес Кайседо яқин орада "Челси"ни тарк этиш ниятида эмас.
Журналист Киран Гиллнинг маълумотларига кўра, эквадорлик футболчи Лондон клуби билан янги шартнома имзолашдан манфаатдор. У "кўклар" сафида тўп суришни давом эттиришни истайди ва жамоадаги ўз мавқеидан мамнун.
Мойсес Кайседо 2023 йилда "Брайтон"дан "Челси"га 116 миллион евро эвазига ўтган эди. Унинг Лондон клуби билан шартномаси 2031 йил 30 июнгача мўлжалланган. Жорий мавсумда ярим ҳимоячи "кўклар" сафида барча турнирларда 35 та ўйинда иштирок этиб, бешта гол урди ва битта голли узатмани амалга оширди. "Transfermarkt" портали Кайседонинг қийматини 110 миллион еврога баҳоламоқда.
