Саудиянинг «Ал-Ҳилол» клуби ҳужумчиси, французлик Карим Бензема сон яқинлаштирувчи мушагидан жароҳат олди ва вақтинча сафдан чиқди.
Инсайдер Фабрицио Романонинг маълумотига кўра, 38 ёшли футболчи камида 10-15 кунни ўтказиб юборади. Ушбу жароҳат сабабли у жамоасининг охирги ўйинида майдонга тушмади ва ички ҳамда халқаро майдондаги яқинлашиб келаётган баҳсларни ҳам ўтказиб юбориш хавфи остида турибди.
«Ал-Ҳилол»нинг кадрлар билан боғлиқ муаммолари фақат бу билан чекланмайди. Шунингдек, Салем Ал-Давсарининг ҳам жароҳати тасдиқланди — у сон орқа мушаги шикастланиши сабабли тахминан 3-4 ҳафтага сафдан чиқди. Ҳимоячи Али Ал-Тамбакти эса шунга ўхшаш муаммо туфайли жамоанинг навбатдаги ўйинини ўтказиб юборади.
Бензема яқиндагина «Ал-Ҳилол» сафига қўшилган ва тез мослашишга улгурган эди: у учта ўйинда учта гол ва битта голли узатмани ўз ҳисобига ёздириб қўйди.
