"Манчестер Сити" сардори Бернарду Силва Премьер-лига доирасида "Лидс" устидан қозонилган ғалабадан (1:0) сўнг жамоа ҳақида ўз фикрларини билдирди. Ушбу ғалаба эвазига "шаҳарликлар" "Арсенал" билан орадаги фарқни икки очкогача қисқартиришди.
Хосеп Гвардиола шогирдларининг "Элланд Роуд"даги ягона голини биринчи бўлим якунида Антуан Семеньо киритди.
"Бизнинг клубда ҳеч ким юлдуз мақомига эга эмас. Барчамиз фантастик бир жамоанинг қисмимиз, бу ерда ҳамма ўзини тенг ҳис қилади", — дея City Report Бернарду Силванинг сўзларини келтирмоқда. Силва шанба кунги баҳсда тўлиқ ҳаракат қилди.
4 март куни "Манчестер Сити" навбатдаги учрашувини ўтказади — рақиб "Ноттингем Форест" жамоаси бўлади.
