«Манчестер Юнайтед» «Барселона» марказий ҳужумчиси Ферран Торресга қизиқиш билдирмоқда. «Қизил иблислар» 26 ёшли ҳужумчини трансфер қилиш имкониятига ижобий қарамоқда. Бу ҳақда TEAMtalk хабар берди.

Манба маълумотларига кўра, манкунианлар Торресни Жошуа Зиркзее ўрнини босувчи эҳтимолий вариант сифатида кўриб чиқмоқда. Шу билан бирга, испан футболчиси трансфери Маркус Рашфорднинг («Манчестер Юнайтед»дан «Барселона»га ижарага берилган) келажак масаласи билан боғлиқ бўлмайди, деб таъкидланмоқда.

Ҳозирги мавсумда Торрес барча турнирларда 40 та ўйинда иштирок этиб, 16 та гол урди ва 1 та ассист қайд этди. Футболчининг клуб билан амал қилаётган шартномаси 2027 йил ёзига қадар мўлжалланган. Transfermarkt портали маълумотларига кўра, унинг бозор қиймати €50 млнни ташкил қилади.