Италия терма жамоаси ЖЧ-2026 йўлланмаси учун кечган «А» йўли плей-офф финал босқичида Босния ва Герцеговина жамоасига имкониятни бой берди (1:1, пенальтилар сериясида — 1:4). Шу тариқа, «Скуадра Адзурра» Жаҳон чемпионлари орасида антирекорд ўрнатди — жамоа ўз тарихида илк бор кетма-кет учта мундиални ўтказиб юборадиган бўлди.
Бу футбол тарихидаги илк ҳолат бўлиб, илгари Жаҳон чемпиони бўлган бирорта терма жамоа кетма-кет уч марта финал босқичидан четда қолмаган эди.
Италияликлар охирги марта 2014 йилги Жаҳон чемпионатида иштирок этишган. Таъкидлаш жоизки, «Скуадра Адзурра» тўрт карра Жаҳон чемпиони (1934, 1938, 1982, 2006) ҳисобланади.
