"Ливерпуль"нинг собиқ сардори Стивен Жеррард қачондир "қизиллар" устозига айланишни хоҳлайдими ёки йўқми, деган саволга жавоб берди.
"Албатта, бу мен учун ушалмас орзу бўларди. Лекин ҳозирнинг ўзида бунга тайёрманми? Менимча, йўқ", — деди Жеррард The Overlap нашрига берган интервьюсида.
Стивен Жеррард 1998 йилдан 2015 йилгача "Ливерпуль" шарафини ҳимоя қилган. У "қизиллар" таркибида учта Лига Кубоги, иккитадан Англия Кубоги, Англия Суперкубоги ва УЕФА Суперкубоги, шунингдек, бир мартадан Чемпионлар Лигаси ва УЕФА Кубогида ғолиб чиққан.
Умумий ҳисобда Жеррард "Ливерпуль" сафида 710 та ўйинда майдонга тушиб, 186 та гол урган ва 156 та голли узатмани амалга оширган.













