Лондоннинг «Челси» клуби бош мураббийи Лиам Росеньор жамоанинг ёшларга йўналтирилган стратегияси ўзгариши ёки ўзгармаслиги ҳақидаги саволга жавоб берди.
«Агар сизда муайян жараён бўлса, керакли натижага эришиш учун унга тузатишлар киритишга мажбур бўласиз. Буни кўрасиз. Буни менинг сўзларимда эмас, балки ҳаракатларимизда кўриб оласиз», — дея Росеньорнинг сўзларини журналист Фабрицио Романо келтирмоқда.
Англия Премьер-лигасининг 31-тури якунларига кўра, «Челси» 48 очко жамғарган ҳолда турнир жадвалида олтинчи поғонани эгаллаб турибди.
Шанба куни, 4 апрель куни «Челси» Англия Кубоги чорак финали доирасида «Порт Вейл»га қарши баҳс олиб боради. Ўйин Тошкент вақти билан соат 21:15 да бошланади.
