Германияда ўтказилган нуфузли "Grenke Chess Open 2026" фестивалида иккита йўналишда ғолиблар аниқланди.

Ўзбекистонлик шахматчи Мухаммадзоҳид Суяров классик йўналишда 3500 дан ортиқ иштирокчини ортда қолдириб 1-ўринни қўлга киритди. У мағлубиятсиз 9 турдан 8 очко жамғарди ва 20 000 евро мукофот совриндорига айланди. Бу йил Мухаммадзоҳид учун чиндан омадли кечмоқда — барқарор ўйинлари билан кетма-кет йирик турнирларда юқори натижаларни қайд этмоқда.

Винсент Кеймер эса "freestyle" йўналишида 7.5/9 натижа билан ғалаба қозониб, 2027-йилги FIDE Freestyle Жаҳон чемпионатига йўлланма олди. Иккинчи ўринни  Максим Вашье-Лаграв (7.5/9), учинчи ўринни Магнус Карлсен (7 очко) эгаллади.

Юртдошларимиз "фристайл" йўналишида ҳам юқори натижаларни қайд этишди:

7-ўрин — Нодирбек Абдусатторов — 7 очко;
11-ўрин — Нодирбек Якуббоев — 6.5 очко;
18-ўрин — Шамсиддин Воҳидов — 6.5 очко;
80-ўрин — Афруза Ҳамдамова — 5 очко.