Ҳужумчи Роберт Левандовскининг келажаги муҳокамалар марказида қолмоқда. Польяк футболчисининг «Барселона» билан амалдаги шартномаси тез орада — июнь ойи охирида якунига етади. Ҳозирча Левандовски қандай қарор қабул қилиши номаълум.
The Touchline нашрининг машҳур журналист Фабрицио Романога таяниб хабар беришича, «Барселона» Левандовскига яна бир мавсумлик шартнома таклиф қилган, бироқ унда иш ҳақининг сезиларли даражада камайиши кўзда тутилган.
Таъкидланишича, Левандовски айни дамда бундай қадам ташлаш зарурлигига шубҳа қилмоқда. Роберт маошининг катта қисмидан воз кечиш учун етарли сабаб кўрмаяпти.
Август ойида Роберт Левандовски 38 ёшга тўлади.
