«Барселона» ҳужум чизиғини Хулиан Альварес билан кучайтирмоқчи ва кўплаб инсайдерлар бир овоздан 100 миллион евролик таклиф ҳақида гапиришмоқда — у ёки аллақачон юборилган, ёки тайёрланмоқда. Аммо «Барселона» учун 100 миллион евро етарли бўлмаслиги мумкин.

Бир қатор журналистлар «Атлетико»нинг талаблари бундан юқорироқ эканлигини ёзишмоқда. Бен Жейкобс ва Херард Ромеронинг хабар беришича, «матрасчилар» ушбу трансфердан 120 миллион евродан ортиқ маблағ ишлаб олмоқчи. Маттео Мореттога ишонадиган бўлсак, «Атлетико» 26 ёшли Альвареснинг трансферидан ҳатто 130 миллион евродан кўпроқ даромад кўришни мақсад қилган.

Бироқ муҳим бир нюанс бор — футболчининг кетиш истаги туфайли у клубга босим ўтказиши мумкин. Шу сабабли, «матрасчилар» якунда ён беришга мажбур бўлишлари эҳтимоли йўқ эмас.