«Барселона» ва Бразилия терма жамоаси ҳужумчиси Рафинья 2026 йилги жаҳон чемпионати олдидан миллий жамоанинг ҳолати ва мавжуд муаммолари ҳақида фикр билдирди.
«Биз жуда яхши тайёргарлик кўрдик. Аммо ҳимоя устида янада кўпроқ ишлашимиз керак. Агар яхши ҳимоялансак, чемпион бўлиш имкониятимиз жуда юқори бўлади. Бу қисқа ва мураккаб турнир. Биз мавжуд шароитга мослашишга ва хатоларга йўл қўймаслик учун имкони борича яхшироқ тайёргарлик кўришга ҳаракат қилмоқдамиз», — деди Рафинья. Унинг сўзларини Mundo Deportivo нашри келтирган.
2026 йилги футбол бўйича жаҳон чемпионатида Бразилия терма жамоаси "C" гуруҳидан ўрин олган бўлиб, Марокаш, Гаити ва Шотландия терма жамоаларига қарши баҳс олиб боради.
Мундиал 2026 йил 11 июндан 19 июлга қадар АҚШ, Канада ва Мексика майдонларида бўлиб ўтади.













