Англия терма жамоаси футболчиси Букайо Сака клублар ўртасидаги мавсум якунланганидан кейин ҳали ҳам оптимал спорт формасига кириб улгаргани йўқ.
Лондоннинг «Арсенал» клуби вингери бир неча ойдан бери товон пайи билан боғлиқ муаммолардан азият чекмоқда. Мундиал бошланишига оз вақт қолганда эса ушбу жароҳат яна безовта қила бошлади. Sky Sports News тарқатган маълумотларга кўра, «канонирлар»нинг 24 ёшли вакили ЖЧ-2026 гуруҳ босқичи 1-туридан ўрин олган Хорватияга қарши баҳсгача тўлиқ соғайиб кетишга улгурмайди. У майдонга тушиши мумкин, бироқ учрашувнинг барча 90 дақиқасини ўтказишга тайёр эмас.
Англия ва Хорватия терма жамоалари ўртасидаги баҳс 17 июнь куни бўлиб ўтади. Ўйин Тошкент вақти билан соат 23:00 да бошланади. Ушбу гуруҳда, шунингдек, Гана ва Панама терма жамоалари ҳам жой олган.
