2026 йилги футбол бўйича жаҳон чемпионати "I" гуруҳи 2-туридан ўрин олган Франция ва Ироқ терма жамоалари ўртасидаги учрашув ўтказилмай қолиши ёки кечиктирилиши мумкин.
RMC Sport нашрининг хабар беришича, ўйин бўлиб ўтадиган Филадельфия шаҳрида кучли ёмғир ва момақалдироқ кутилмоқда. Ноқулай об-ҳаво шароити учрашувнинг ўз вақтида бошланишига тўсқинлик қилиши эҳтимолдан холи эмас.
Франция ва Ироқ терма жамоалари ўртасидаги баҳс 23 июнь куни Филадельфиядаги «Линкольн Файненшел Филд» стадионида ўтказилиши режалаштирилган. Учрашув Тошкент вақти билан соат 02:00 да бошланиши керак.
Гуруҳ босқичининг биринчи турида Франция Сенегални 3:1 ҳисобида мағлуб этган бўлса, Ироқ Норвегияга 1:4 ҳисобида имкониятни бой берган.
3-турда французлар Норвегияга қарши майдонга тушади, Ироқ эса Сенегал билан баҳс олиб боради.













