Марокаш терма жамоаси бош мураббийи Муҳаммад Ваҳбий бразилияликлар жаҳон чемпионатида узоққа боришади деб ҳисоблайди.
Миллий жамоалар ЖЧ-2026 1-турида дуранг (1:1) ўйнашган эди.
«Менимча, Бразилия ўз ўйинини кучайтиради. Биз уларнинг Гаитига қарши 3:0 ҳисобида ғалаба қозонган иккинчи учрашувини кўрдик ва улар янада ўсишади. Бу жуда кўп кучли томонларга эга жамоа. Биз уларга қарши биринчи ўйинда аъло даражада ҳаракат қилдик, аммо улар исталган сонияда хавф туғдира олишини кўрдик.
Шубҳасиз, улар плей-офф ўйинларида жуда яхши курашишади ва мен уларнинг ҳақиқатан ҳам узоққа боришига ишонаман. Чунки уларда жуда жипслашган жамоа, биргаликда жуда яхши ҳаракат қиладиган футболчилар ва ўйин боришини ўзгартира оладиган икки ёки уч нафар ижрочи бор. Бундан ташқари, Карло Анчелоттининг тажрибаси ҳам бор, бу ҳам жуда муҳим (кулади). Шу боис улар узоққа боришига ишонаман», — деди Ваҳбий.
