«Барселона» шу ёзда ҳимоячи Жоау Канселу билан шартнома имзолашни амалга оширишга умид қилмоқда.
Португалиялик футболчи ҳамон «Ал-Ҳилол» билан кейинги йилнинг ўрталарига қадар мўлжалланган шартномага эга. «Кўк-анорранглилар» муваффақиятли ярим йиллик ижарадан сўнг Канселу билан ҳамкорликни давом эттиришдан умидвор, футболчининг ўзи ҳам Каталонияда қолишга қарор қилган. «Mundo Deportivo» нашрининг маълумотларига кўра, агент Жорже Мендеш ўз мижозининг «Барселона»га ўтиши устида фаол ишламоқда. Клублар ҳали келишув формати борасида келишиб олишлари керак – бу масалада ҳозирча аниқликдан йироқ.
Сешанба куни Жоау Канселу Португалия терма жамоасига ЖЧ-2026 доирасида Ўзбекистон устидан қозонилган ғалабада (5:0) ёрдам берди ва ўз ҳисобига голли узатмани ёздириб қўйди.
