«Барселона»да Роберт Левандовски кетганидан кейин жамоани кучайтира оладиган ҳужумчи қидиришмоқда.
Хулиан Альварес билан боғлиқ вазият ўзгаришсиз қолмоқда: «Атлетико» ҳужумчиси — «кўк-анорранглилар» учун устувор вариант. Бироқ, бошқа вариантлар ҳам бор, унда ҳам маҳаллий чемпионатда: «El Chiringuito» нашрининг маълумотларига кўра, Альваресга муқобил сифатида «Реал Сосьедад»дан Микель Оярсабаль номзоди кўриб чиқилмоқда, у шубҳасиз унчалик қимматга тушмайди.
Оярсабаль бутун фаолияти давомида «Реал Сосьедад»да тўп тепиб келмоқда. Якунланган мавсумда «Transfermarkt» портали томонидан 25 млн еврога баҳоланган 29 ёшли футболчи басклар жамоаси сафида 40 та учрашувда ўз ҳисобига 18 та гол ёздириб қўйди, шунингдек, унинг активида ҳозирда бўлиб ўтаётган ЖЧ-2026да Испания терма жамоаси сафидаги иккита баҳсда урилган иккита гол ҳам бор.
