Opta 2-турдан сўнг ЖЧ-2026 нинг асосий фаворитини маълум қилди

Opta таҳлилий портали гуруҳ босқичининг иккинчи туридан кейин ЖЧ-2026 ғолиблиги учун янгиланган прогнозини эълон қилди.

Суперкомпьютер ҳисоб-китобларига кўра, мусобақанинг асосий фаворити бўлиб амалдаги жаҳон чемпиони Аргентина миллий терма жамоаси қолмоқда. Ж гуруҳида биринчи ўринни муддатидан аввал таъминлаган аргентиналикларнинг чемпионлик эҳтимоли 15,46 фоизга баҳоланган.

Иккинчи ўринда Франция миллий терма жамоаси жойлашган бўлиб, уларнинг имконияти 15,06 фоизни ташкил этмоқда. Кучли учликни эса Испания миллий терма жамоаси якунлаб берган — 12,48%.

ЖЧ-2026 ғолиблиги учун асосий даъвогарлар

1. Аргентина миллий терма жамоаси — 15,46%

2. Франция миллий терма жамоаси — 15,06%

3. Испания миллий терма жамоаси — 12,48%

4. Англия миллий терма жамоаси — 9,48%

5. Португалия миллий терма жамоаси — 6,71%

6. Германия миллий терма жамоаси — 6,60%

7. Норвегия миллий терма жамоаси — 5,42%

8. Бразилия миллий терма жамоаси — 4,56%

9. Нидерландия миллий терма жамоаси — 4,26%

10. АҚШ миллий терма жамоаси — 4,07%

Биринчи ўнликдан ташқарида Колумбия миллий терма жамоаси (2,56%), Швейцария миллий терма жамоаси (1,74%), Марокаш миллий терма жамоаси (1,73%) ва Япония миллий терма жамоаси (1,64%) жой олган.