Айни дақиқаларда Босния ва Герцеговина ҳамда Қатар терма жамоалари 2026 йилги Жаҳон чемпионати гуруҳ босқичи 3-тури доирасида ўзаро баҳс олиб боришмоқда.
Маълум бўлишича, бугунги учрашув Босния терма жамоасининг 40 ёшли етакчиси Эдин Жеко учун юбилей ўйинга айланди. Бу унинг миллий жамоа либосидаги 150-учрашувидир.
Жеко боснияликлар сафидаги мазкур ўйинларида жами 73 та гол урди ва 30 та голли узатмани амалга оширди. Эдин Жеко Босния ва Герцеговина терма жамоасига илк бор 2007 йилда — деярли 20 йил олдин чақирилган эди!
Эслатиб ўтамиз, биринчи тайм давомида боснияликлар Жеконинг яқиндан ёрдами билан қатарликларни ишончли тарзда мағлуб этишмоқда. Бундай натижа болқонликларга учинчи, балки иккинчи ўрин билан плей-офф босқичига йўл олиш учун яхши имконият тақдим этади.
