Жаҳон чемпионати — 2026 мусобақасида Мексика терма жамоасининг Чехия устидан қозонган ғалабасини (3:0) нишонлаш Мексиканинг Кабо-Сан-Лукас шаҳрида мухлисларни оммавий равишда машина уриб юбориши билан якунланди.

TV Azteca нашри хабар беришича, ҳодиса оқибатида 17 киши жароҳатланган. Дастлабки маълумотларга кўра, ўйин тугаганидан сўнг ўнлаб мухлислар миллий терма жамоанинг муваффақиятини нишонлашаётган бўлган. Шу пайт бир гуруҳ одамлар автомобилни ўраб олиб, уни тебрата бошлашган. Ҳайдовчи эса тўсатдан газ педалини босиб юборган ва бир неча кишини уриб кетган. Барча жароҳатланганлар шифохоналарга етказилган.

Маҳаллий ҳокимият органларининг маълумотига кўра, ҳодиса оқибатида ҳалок бўлганлар йўқ. Айни дамда воқеа тафсилотлари ўрганилмоқда.