Англиялик ҳужумчи Маркус Рэшфорд «Манчестер Юнайтед»да қолмайди. Бу маълумотни журналист Экрем Конур эълон қилди.

Манбага ишонадиган бўлсак, «Барселона» ижара муддати якунланганидан кейин 28 ёшли футболчини сотиб олмоқчи эмас. Футболчининг «қизил иблислар» билан яна икки йиллик шартномаси бор, бироқ АПЛ гранди у учун янги жамоа изламоқда. Таъкидланишича, Рэшфорднинг шартномасида 40 миллион евролик сотиб олиш опцияси мавжуд.

Рэшфорд — «Манчестер Юнайтед» тарбияланувчиси. У асосий жамоа сафида 426 та ўйин ўтказиб, 138 та гол урди ва 79 та голли узатмани амалга оширди.

2025/26 йилги мавсумда ҳужумчи «Барселона» таркибида 49 та учрашувда майдонга тушиб, 14 бор рақиблар дарвозасини ишғол қилди ва 14 та ассистни ўз ҳисобига ёзиб қўйди.