«Манчестер Сити» ҳужумчиси Омар Мармуш Лондоннинг «Тоттенхэм» клубига кўчиб ўтиши мумкин. Бу маълумот билан таниқли журналист Николо Скира бўлишмоқда.
Манбанинг хабарларига кўра, кўпроқ ўйин амалиётига эга бўлиш учун жамоани тарк этмоқчи бўлган Мармушга «Тоттенхэм» қизиқиш билдирмоқда. Пойтахт жамоаси бош мураббийи Роберто Де Дзерби мисрлик футболчининг ўйинини жуда қадрлайди, шу боис яқин орада «шпорлар» ўйинчи трансферини амалга оширишга уриниб кўришмоқчи.
Ортда қолган клуб мавсумида Мармуш барча турнирларни инобатга олган ҳолда 36 та ўйинда майдонга тушди, саккиз бор рақиблар дарвозасини ишғол қилди ва учта голли узатма муаллифига айланди.
