Жаҳон чемпионати — 2026 гуруҳ босқичи учинчи туридан ўрин олган учрашувда Англия терма жамоаси Панама миллий термаси билан тўқнаш келди. Британликлар 2:0 ҳисобида ғалабани қўлга киритишди.

Ушбу учрашувда ярим ҳимоячи Жордан Хендерсон захирадан майдонга тушди. 36 ёшли хавбек Англия терма жамоаси тарихида тўртта мундиалда иштирок этган илк футболчига айланди. Унинг ҳисобида Жаҳон чемпионатларидаги 12 та баҳс мавжуд бўлиб, уларда битта гол уришга муваффақ бўлган.

Томас Тухель шогирдлари етти очко жамғариб, ўз гуруҳларида биринчи ўрин билан маррага етиб келишди. Жаҳон чемпионати плей-офф босқичининг илк раундида инглизлар терма жамоасига Конго ДР миллий терма жамоаси рақиблик қилади. Ушбу ўйин 1 июль кунига режалаштирилган.